گمشدہ آواز یں۔ ساجدہ تسنیم کا قتل ۔ میں ہوں ساجدہ ۔

ساجدہ تسنیم کی آواز - جویریہ صدیق | جسٹس نیوز اردو , پاکستان | جسٹس نیوز امریکہ | جون ٢٧, ٢٠٢٢

27 جون 2022: ٹھیک ایک سال پہلے، 3 بچوں کی ماں، ایک تعلیم یافتہ اور کامیاب کارکن، جو اپنی قسمت کے بارے میں کچھ نہیں جانتی تھی، نے "کالیوں کا قبرستان" کے بارے میں لکھا، جو ان خواتین کے لیے ایک قبرستان ہے، جو کاروکاری کی بے ہودہ رسم کی وجہ سے دفنا دی جاتی ہیں ۔ اس میں ان کو کلہاڑیوں اور بندوقوں سے قتل کرنے کا ذکر کیا۔ ٹھیک ایک سال بعد، وہی خوبصورت عورت اسی جرم کا شکار ہو گئی، جس کے بارے میں اس نے کبھی آواز دی تھی۔ 

ساجدہ تسنیم آسٹریلوی شہریت رکھنے والی خاتون کو مبینہ طور پر 11 جون کو پاکستان کے دارالحکومت اسلام آباد سے 250 کلومیٹر جنوب میں واقع شہر سرگودھا میں اپنے سسرال کے گھر میں اس کے والد کے سامنے قتل کر دیا گیا تھا۔

ساجدہ تسنیم کے والد شیر محمد خان نے بتایا کہ ان کے داماد ایوب احمد نے ان کی بیٹی کو اپنے تین بچوں کے ساتھ پرتھ، مغربی آسٹریلیا میں واقع اپنے گھر سے پاکستان جانے پر مجبور کیا۔مزید برآں انہوں نے گارڈین کو بتایا کہ جب ان کی بیٹی پاکستان پہنچی تو ان کا داماد پھر پرتھ واپس چلا گیا۔

ساجدہ تسنیم کے سسرمختاراحمد نے مبینہ طور پر ساجدہ کا پاسپورٹ ضبط کر لیا۔ ساجدہ کے والد شیر محمد نے پولیس کو بتایا کہ 11 جون کو اس نے مبینہ طور پر احمد کو اپنی بیٹی کو قتل کرتے دیکھا۔ مختاراحمد نے مبینہ طور پر تسنیم کے منہ میں کپڑا بھر دیا اور شیر محمد کو دھمکی دی کہ اگر کسی نے اسے روکنے کی کوشش کی تو وہ اسے بھی جان سے مار دے گا۔

ساجدہ تسنیم کا قصور یہ تھا کہ وہ صرف یہ چاہتی تھی کہ اپنے بچوں کو بہتر تعلیمی مواقع کے لیے واپس آسٹریلیا لے جائے۔ صرف اس جرم کی بنا پر انہوں نے اپنے بچوں کے اچھے مستقبل کے لیے اپنی جان گنوا دی۔ اب کیا ہوگا ان کے بچوں کا مستقبل کیا ساجدہ کی جان رائیگاں نہیں جائے گی؟

---

گمشدہ آوازوں کی پہلی آواز ساجدہ تسنیم کی آواز ہے۔۔

کیا آپ ہمیں سن رہے ہیں ؟  گمشدہ آوازوں کی آواز بن جاییے

عمران صدیقی، خرم ریاض اور جویریہ صدیق کے ساتھ 

 جویریہ صدیق| جسٹس نیوز اردو , پاکستان | جسٹس نیوز امریکہ | ساجدہ تسنیم کی آواز۔۔